hello! long time no blogger and i'm back B)
kali ini aku mau cerita tapi pake bahasa manado aja yaaa xD
ok, ceritanya kali ini tentang
"qta deng dia"..
jimmy, yeah that's my boyfriend's name. torang pertama kali bakudapa pas ibadah TKK di kampus sekitaran pertengahan bulan agustus 2011. pertama kali kenalan karena waktu di ibadah torang 2, 1 kelompok PA. waktu itu qta ada dengan qta pe tamang mia. qta, jimmy, deng mia 1 kelompok PA. pulang dari ibadah TKK jimmy bacerita deng depe kakak, waktu itu qta kira depe cewe wkwk dorang kote ada bacarita jimmy mo pinjam oto antar pulang pa qta deng mia. pas oto so bajalang jimmy tanya qta deng mia pe rumah dimana, kong dia tanya le mo turun dimana, mia bilang dia seturun di tampa dola ranotana kalo qta di tampa dola malalayang. pas so di patong pahlawan dekat bahumall mia bilang dia turun situ jo kata. kong karna bagimana bagimana sto akhirnya jimmy antar p qta sampe muka lorong. ditengah jalan torang bacarita2 padahal baru kenalan hehe setelah dari da kenalan dari itu hari torang 2 so jadi lebe dekat so bateman kong waktu qta da buka FB torang 2 baku chat kong dia da minta tape nomor hp, ta kase noh.
dikampus..
kuliah nonblok pancasila ada bagi kelompok kong qta kote 1 kelompok pancasila deng jimmy hahaha kong tiap kelompok laeng mo presentasi dimuka yang kelompok laeng musti duduk sama2 deng depe anggota kelompok nah disini noh torang lebe dekat sebagai teman. torang kelompok 1 mar mo presentasi materi bab 8, jadi pasti torang itu kelompok terakhir mo presentasi kong kira2 karna kelompok terakhir jadi lama skali torang pe waktu 1 kelompok 1 semester ato sekitar 6 bulan.
kuliah nonblok agama leh torang 2 tabaku dapa di 1 kelompok, tugas kelompok salalu jimmy ja suruh qta yang jb tulis -_-"
di kampus torang ada tamang2 baku bawa (da posting di post sebelumnya sapa2). isirahat makang sama2, pulang kampus sama2 kong tuhari da pi bajalang ka tomohon, tondano, kawangkoan torang :D torang pe baku bawa memang suka pasiar samua, soalnya banyak yang dari luar daerah mar tetap torang samua baku sayang. kong jimmy ini salah satu dari torang pe baku bawa, jadi torang 2 lebe dekat, apale pas blok 3 torang pe baku bawa lebe dekat, termasuk qta deng jimmy. blok 3 dapa suruh bagambar, kong ujian tentamen anatomi deng ujian blok leh dapa tako. tiap hari torang pe baku bawa pi p tasya pe kost bagambar, makang 1 piring, minum 1 gelas, tidor sama2 nah ini noh yang beking torang lebe dekat termasuk qta deng jimmy.
pas awal bulan januari 2012 qta da masalah deng tape cowo waktu itu kong dia se putus p qta. dan disaat suram suram itu jimmy datang kase hibur2 p qta. jimmy da bilang p mia deng omi jimmy kata mo badekat pa qta, memang katu noh dia so sering2 bsms waktu itu. qta bilang p mia deng omi oh io kalo memang dia mau mo badekat pa qta silahkan.
jujur waktu torang masih bateman biasa, torang 2 jarang skali bacerita waktu pedekate malo2 karna ja dapa gara jadi bacarita leh jarang2 kalo bakudapa, mar kalo disms lancar skali wkwk setelah pedekate 3 minggu akhirnya SABTU, 28 JANUARI 2012 torang 2 resmi jadian :D
agustus - januari, 5 bulan dia da tunggu pa qta. batunggu qta sandiri.
Tuhan itu bae skali pa torang 2, Tuhan da se dekat pa torang deng berbagai cara. setelah 4 bulan lebe batamang kong 3 minggu pedekate Tuhan kase kesempatan pa torang 2 for mo sama2 :')
Tuhan kase waktu yang betul2 tepat for torang 2, maka dari itu judul dari ni post GOD's timing is PERFECT :)
rancangan Tuhan adalah rancangan damai sejahtera bukan rancangan kecelakaan dan rencana Tuhan selalu indah pada waktuNya..
GOD BLESS OUR RELATIONSIP o:)
Five month,
